Kreu i BDI-së, Ali AHmeti para takimit tek kryeministri Edi Rama në Tiranë ka folur për Klan Macedonia rreth pritjeve dhe qëëëlimit të takimit. Ahmeti ka komentuar edhe deklaratën e Lëvizjes Besa, nga e cila akuzuan Ahmetin dhe Grubin se po keqpërdorin autoritetin e Edi Ramës për të shpëtuar veten.
“Nuk e kam dëgjuar, por qenka interesante si temë për ta komentuar. BDI nuk ka nevojë të shpëtohet nga askush. Është një forcë mirë e organizuar, mirë e etabluar, ka institucione, ka platformë, program, ka vizion për të ndërtuar platforma të mirëfillta për të ecur përpara. Ky është një takim për fillimviti, por edhe për të bërë një bilanc të vitit që lamë pas. Nuk ka asgjë të organizuar apo siç i kam dëgjuar disa media maqedonase që i japin ngjyra etnike. Nuk ka të bëjë fare me njëanshmëri, por me rrugë të përbashkëta që kemi, Shqipëria dhe Maqedonia e Veriut”, tha për Klan Macedonia, Ali Ahmeti.
