Policia në gatishmëri për të parandaluar përshkallëzimin e protestës më të madhe në dekadat e fundit.
Aktivistët propalestinezë kundër luftës organizuan protesta sot në Melburn, duke ndërprerë përgatitjet për hapjen e panairit të industrisë së mbrojtjes që fillon të mërkurën.
Protestuesit u mblodhën jashtë kompanive të lidhura me prodhimin e armëve në gjithë Melburnin ndërsa policia u thirr për të parandaluar përshkallëzimin e incidentit.
Mediat vendase raportojnë se shumë makina dhe njësi policie kanë mbërritur para godinave të kompanisë për të parandaluar trazirat e mundshme dhe përshkallëzimin e protestës.
Protestat pritet të përhapen në gjithë qytetin përpara Panairit Ushtarak të Forcave Tokësore të së mërkurës, me mbi 25,000 demonstrues, potencialisht protesta më e madhe në vend në dekada.
Të dielën, aktivistët e “Extinction Rebellion” bllokuan rrugën Montague pranë Qendrës së Konventave dhe Ekspozitave të Melburnit ku po mbahet panairi, shkruan albanian.trt balkan.Aktivistët propalestinezë në Australi po i bëjnë thirrje qeverisë të vendosë sanksione ndaj Izraelit për luftën në Gaza.
