Lideri i shqiptarëve të Maqedonisë së Veriut, Ali Ahmeti në një lidhje direkte në emisionin ‘Pressing’ në T7 ka treguar për takimin që ka pasur sot me kryeministrin e Kosovës, Albin Kurti, në Ohër.
Ahmeti tha se nuk e lehtë për Kurtin, mirëpo sipas tij, nuk mund të ketë deri në pafundësi hasmëri e hidhërime.
“Sigurisht që Kosova është pjesë e ndishme e jona, e shqiptarëve të Maqedonisë. Cdo sukses i Kosovës është kënaqësi e jona. Sot këtu jam në mbështetje morale të institucioneve të Kosovës, në mëbeshtetje të arritjes së marrëveshjes historike për Kosovën, për rajonin , për të gjithë qytetarët e Kosovës, por edhe të Serbisë, sepse me arritjen e marrëveshjes fitojnë të gjitha palët.
Nuk është lehtë për Kurtin, por pafundësisht hidhërim e hasmëri nuk mund të ketë, duhet të ketë një epilog, dhe shpresoj që me vet zgjatjen e këtyre kohëve të vona dhe mund të zgjasë edhe shumë këto negociata. Uroj dhe shpresoj që të ketë epilog pozitiv që do të ishte i mirë jo vetëm për Kosovën, por për të gjithë rajonin. Ne urojmë që ky epilog të jetë i suksesshëm”
