Ambasada e Shteteve të Bashkuara të Amerikës ka njoftuar për punëtorinë që trajtoi menaxhimin e lëndëve penale, organizuar për 30 gjyqtarë nga Gjykata Themelore e Prishtinës, transmeton KosovaPost.
“Gjyqtarët e qarkut të SHBA-së, kryetari i Gjykatës Themelore të Prishtinës dhe Këshilltari Ligjor Rezident prezantuan praktikat më të mira, që mbulojnë kontrollin e lëndëve, seancat përgatitore, gjykimet e njëpasnjëshme, seancat e dënimit dhe menaxhimin e sallës së gjyqit”, thuhet në njoftim.
Ambasada ndër të tjera ka bërë të ditur se kjo është përpjekje për efikasitet të gjykatave të Kosovës.
“Ky bashkëpunim nënvizon përkushtimin tonë për të rritur aftësitë e gjyqtarëve kosovarë dhe për të përmirësuar efikasitetin e gjykatave”, kanë shkruar ata.
