Armando Broja duket se është i mallkuar. I hedhur në fushë në minutën e 68-të në vend të Betos në takimin e FA Cup mes Evertonit dhe Peterborough (2-0), sulmuesi i Kombëtares Shqiptare dëmtohet rëndë në momentin e një dyluftimi: ai vendos keq këmbën në fushë dhe bie në tokë mes dhimbjesh.
Menjëherë futet në fushë stafi mjekësor, që iu deshën minuta të tëra për të stabilizuar me protezë këmbën e sulmuesit shqiptar.
Broja doli me barelë nga fushë mes lotësh pasi pësoi një tjetër dëmtim të rëndë në momentin kur të gjithë prisnin që ai të kthehej në versionin e tij më të mirë.
Përshtypjet për dëmtimin nuk janë aspak pozitive, megjithëse shkalla e saktë e lëndimit do të kuptohet pas ekzaminimeve më të hollësishme mjekësore.s.n.
