Policia e Kosovës ka arrestuar një person, i cili po kërkohej për vjedhje të rëndë në qytetin e Prizrenit.
“Me datë 13 Prill 2023, rreth orës 09:30 Njësitet policore të Stacionit Policor Prizren, bazuar në informacionet e mbledhura përmes rrugëve operative, kanë lokalizuar dhe kane arrestuar te dyshuarin S. B. (24 vjeçar).I njëjti ka qene në kërkim policor për veprën penale “Vjedhje e rëndë” dhe “vjedhje e rëndë në bashkëkryerje”, thuhet në njoftim.
Po ashtu është bërë e ditur se arrestimi i tij është bërë në Prizren, në baze të një urdhërarresti të lëshuar nga Gjykata Themelore në Prizren.
Pas arrestimit të personit të kërkuar, nga njësitet përkatëse policore i njëjti është dërguar në burgun e Prishtinës në Hajvali, në vuajtje të dënimit me burg në kohëzgjatje për një vit.
