Interi ka tre lojtarë që nuk ka gjasa të jenë në dispozicion për ndeshjen e tyre hapëse të sezonit 2024-25, por nënshkrimi i ri Mehdi Taremi është rikthyer në stërvitje dhe është vendosur të përfshihet në skuadër.
Interi do të udhëtojë drejt Genoas për ndeshjen e parë të sezonit të ri të Serisë A të shtunën në mbrëmje.
Megjithatë, Simone Inzaghi do të duhet të bëjë pa nënshkrimin e ri Piotr Zielinski. Lojtari polak po i afrohet një rikthimi në gjendje të plotë, por është ende duke u stërvitur individualisht, sipas Gianluca Di Marzio.
Ka më shumë gjasa që ai të kursehet të paktën deri në ndeshjen e dytë të sezonit kundër Lecces në San Siro.
Edhe Stefan de Vrij pritet të mungojë në transfertën kundër Genoa-s.
Zikaltrit kanë një grup mbrojtësish relativisht të përshtatshëm dhe të disponueshëm, me Alessandro Bastoni dhe Francesco Acerbi të gatshëm për të shkuar, dhe Yann Aurel Bisseck që pretendon një rol si titullar.
Inzaghi do të duhet gjithashtu të vendosë nëse Kristjan Asllani është gati të përfshihet në ekip. Nëse do të jetë në dispozicion, Inzaghi mund ta përdorë atë nga stoli pasi Hakan Calhanoglu mund të mos jetë ende gati për të luajtur 90 minuta.
Tajon Buchanan mbetet jashtë për një kohë të gjatë për shkak dëmtimi.
Pjesë e skuadrës pritet të jetë edhe Mehdi Taremi, pavarësisht se para dy javësh pësoi një dëmtim të lehtë. Marcus Thuram dhe kapiteni Lautaro Martinez janë gati.
