Lagjen “Fusha e Pajtimit” në Prishtinë banorët po ankohen për situatën me mbeturina. Alarmojnë që shkak i tyre po vinë edhe qentë endacak, të cilët po rrezikojnë fëmijët.
Hamit Conolli nuk çuditet nga ajo se çfarë po sheh.
Kjo pasi gjendja e krijuar me mbeturina në Fushën e Pajtimin në kryeqytet është tash e sa kohë e tillë.
“Është një kohë e gjatë pa i heq mbeturinat ku është problemi i tyre nuk po dihet dikush po thotë që ju është skaduar mandati atyre firmave me i heq dikush po thotë jo një firmë po ndërrohet s’po ndërrohet po dalin nëpër vende tjera që janë të caktume me i marrë e këtu nuk po kujdesohet me i marrë e me i bartë”, tha qytetari Canolli.
Edhe për Faruk Hajzerin, situate e krijuar është shqetësuese.
“Edhe prej qenve është shumë keq janë bërë agresiv e po i ndjekin fëmijët. Shumë është keq sa i përket mbeturinave po shihet edhe vet katastrofë është disa herë kemi fol me ta jemi mundu në atë tonën po shkurt nuk është tu ja ni s’po interesohen hiç për mbeturina”, tha ai.
E dikush ka thirrje për kompaninë që e bën largimin e mbeturinave.
“Duhet me u merr vesh këta edhe me punu sa më mirë se na po i paguajmë kah 6.20 në muaj nuk është pagese ë lartë mirëpo me e kry punën”, tha banori Zymer Mramori.
E se puna është dashur të kryhet më mirë e të përmirësohet gjendja e jashtëzakonshme me mbeturina e thonë edhe nga Komuna e Prishtinës.
“Kemi shpresuar që kamionët e ri të i vë në punë menjëherë u bënë dhjetë ditë kamionët nuk kanë dalë në punë sipas informacioneve që unë i kam kanë bërë disa ndërhyrje në kamion i kanë nxjerr nga programimi dhe tani duhet të vijë dikush nga prodhuesit e kamionëve dhe ti vë prapë në shfrytëzim. Është një papërgjegjësi e pa sqaruar e pa shpjeguar”, tha drejtori i Shërbimeve Publike, Bekim Brestovci.
Por nga ndërmarrja “ Pastrimi” thonë se një pjesë e kamionëve vetëm se është në operim dhe se telashe kanë edhe me diçka tjetër në lagjen “Fusha e Pajtimit” dhe disa pjesë të tjera të kryeqytetit.
“Fatkeqësisht telashe kryesore e kemi në ato pjesë ku operatori privat ka shërbye e ne kemi qenë totalisht jashtë informative prej anës së Komunës po edhe vet operatorit privat. Për shkak se ne nuk e di planin informative dhe ne me aq sa kemi informacione operatori privat ka pas shumë vonesa në shërbim”, tha Petri Reçica.
Komuna e Prishtinës me datën 03 shkurt e ka shpallur gjendjen e jashtëzakonshme më menaxhimin e mbeturinave.
