Klubi ukrainas, Metalist 1925 ka njoftuar se sulmuesi Baton Zabërgja është ftuar nga Kombëtarja e Kosovës për ndeshjen ndaj Sllovakisë këtë muaj.
Kosova do të luajë në udhëtim te Sllovakia më 26 mars në kuadër të ndeshjes play-off për kualifikim në Kupën e Botës.
Për këtë ndeshje shumë të rëndësishme për Dardanët tashmë kanë filluar të shkojnë edhe ftesat në drejtim të lojtarëve.
Njëri nga të ftuarit e parë është sulmuesi vushtrrias Baton Zabërgja, me njoftimin që ka ardhur nga klubi i tij ukrainas, Metalist 1925.
