Një video e publikuar nga mediet në Rusi se vullnetarë serbë stërviten për të luftuar përkrah trupave ruse në Ukrainë, ka nxitur reagim në Serbi. Grupi mercenar i Rusisë, Wagner, realizoi videot në gjuhën serbe për të inkurajuar rekrutimin për luftë.
Presidenti serb Aleksandër Vuçiç reagoi se kjo ishte kundër ligjeve të vendit të tij.
“Kritikët shpesh e akuzojnë Serbinë se i jep përparësi miqësisë së saj të gjatë me Rusinë mbi ambicien e saj për t’u bashkuar me BE”, shkruan BBC.
Duke lënë të kuptohet për marrëdhëniet më pak se rozë me Moskën, presidenti Vuçiç ka thënë se Serbia jo vetëm që ishte “neutrale” në lidhje me luftën në Ukrainë, por se ai nuk kishte folur me presidentin rus Vladimir Putin për shumë muaj.
