Udhëheqësit evropianë kanë vendosur të hapin bisedimet e anëtarësimit në BE me Ukrainën dhe Moldavinë dhe t`i japin Gjeorgjisë ndërsa me Bosnje Hercegovinën të hapin negociatat pas vlerësimeve të kritereve në mars.
Presidenti i Këshillit të BE-së, Charles Michel: ”Ky është një moment historik dhe tregon besueshmërinë e Bashkimit Evropian, forcën e Bashkimit Evropian. Vendimi është marrë që të hapim negociatat me Ukrainën dhe me Moldavinë. Ne gjithashtu i kemi dhënë statusin e kandidatit Gjeorgjisë dhe Bosnjë-Hercegovinës.”
Presidenti i Ukrainës Volodymyr Zelensky e përshëndeti vendimin e marrë samitin e Brukselit, si “një fitore” për vendin e tij dhe Evropën.
Volodymyr Zelenskyi, president i Ukrainës: ”Sot është një ditë e veçantë. e cila do të hyjë në historinë tonë. Pavarësisht nëse është e mirë apo e keqe për ne, historia do të regjistrojë gjithçka. Çdo fjalë, çdo hap, çdo veprim dhe mosveprim, dhe kush luftoi për çka.”
Por Hungaria ka kundërshtuar prej kohësh bisedimet që nisin me Kievin, por nuk vuri veton ndaj masës.
Megjithatë, kryeministri Viktor Orban postoi një mesazh në Facebook, duke u distancuar nga 26 liderët e tjerë të BE-së: “Anëtarësimi i Ukrainës në BE është një vendim i keq. Hungaria nuk dëshiron të marrë pjesë në këtë vendim të keq, dhe për këtë arsye qëndroi larg tij sot” ka shtuar Orban.
Ukraina dhe Moldavia aplikuan për t’u bashkuar me BE-në pasi Rusia nisi pushtimin e saj në shkallë të plotë të Ukrainës në shkurt 2022. Të dyve iu dha statusi i kandidatit qershorin e kaluar, ndërsa Gjeorgjia u kalua në atë kohë.
Mirëpo, bisedimet për anëtarësimin në Bashkimin Evropian mund të zgjasin me vite, kështu që vendimi i së enjtes nuk do të garantojë anëtarësimin e Ukrainës.
