Një punëtor ka vdekur sot pasi që dyshohet se ka rënë nga një ndërtesë ku po kryhen punime në Lagjen Veternik.
Zëdhënësja e Policisë për Rajonin e Prishtinës, Flora Ahmeti, tha për RTKlive se rreth orës 11:00 është marrë informata se një person, rreth 50 vjeç, ka rënë nga një lartësi deri sa ka qenë duke punuar në një objekt në lagjen Veternik.
“Si pasojë e lëndimeve, personi, mashkull (shtetas i huaj), ka ndërruar jetë. Vdekja e tij është konstatuar nga ekipi i mjekëve emergjent në vendin e ngjarjes “, tha Ahmeti
Ahmeti tha se Policia në koordinim me inspektorët e punës dhe prokurorinë kanë nisur hetimin e rrethanave që karakterizojnë rastin.
