“Qeveria e Kosovës mbetet e përkushtuar ta përforcojë bashkëpunimin me FMN-në dhe institucionet e tjera ndërkombëtare për ngritje të kapaciteteve dhe zhvillimit të vendit”. Kështu deklaroi zëvendëskryeministri i parë për Integrim Evropian, Zhvillim dhe Dialog , Besnik Bislimi, gjatë një takimi me një delegacion të FMN-së, të udhëhequr nga Gabriel Di Bella, transmeton KosovaPost.
Përfaqësuesi i FMN-së vlerësoi lartë dhe përgëzoi vendin tonë për të arriturat në fushën e ekonomisë e linjën e plotë të ndjekur edhe me rekomandimet e FMN-së. Me theks të veçantë, Di Bella përgëzoi dhe punën e Qeverisë, respektivisht Ministrinë e Ekonomisë për projektin e Ankandit të parë për energji të ripërtëritshme.
Zëvendëskryeministri Bislimi e falënderoi Di Bella dhe Fondin Monetar Ndërkombëtar për mbështetjen dhe besimin ndaj Kosovës edhe në lidhje me programin në kuadër të instrumentit më të ri të FMN-së të quajtur Resilience and Sustainability Fund, nga i cili Kosova është përfitues.
