Kandidati i koalicionit VLEN Blerim Islami ka fituar bindshëm në raundin e dytë ndaj kundërkandidatit të tij nga radhët e koalicionit Maqedonia Jote, udhëhequr nga VMRO-DPMNE, Sasho Velanovski.
Blerim Islami ka marrë 3 mijë e 979 vota ose 57.38 për qind, kur Komisioni Shtetëror i Zgjedhjeve ka numëruar të gjitha 40 vendvotimet në Dollnen, raporton KP.
Kujtojmë, sot në 33 komuna, përfshirë qytetin Shkup, u mbajtën zgjedhjet e raundit të dytë për kryetar të komunave në Maqedoninë e Veriut.
