Koreja e Veriut ka lëshuar një raketë balistike me rreze të mesme veprimi në lindje të vendit, tha ushtria e Koresë së Jugut, në atë që konsiderohet si testimi i parë nga Pheniani në dy muajt e fundit.
Raketa fluturoi 1,100 km përpara se të binte në det, tha ushtria, duke shtuar se ajo “dënon fuqishëm” këtë “akt të qartë provokimi”.
Testimi vjen në një kohë ndërsa Sekretari Amerikan i Shtetit i SHBA Antony Blinken viziton Seulin për bisedime me disa nga udhëheqësit kryesorë të Koresë së Jugut, shkruan A2CNN.Më herët të hënën, Blinken u takua me presidentin në detyrë Choi Sang-mok, ku ai e përshkroi aleancën midis Uashingtonit dhe Seulit si “gur themeli i paqes dhe stabilitetit në gadishullin Korean”.
