John Bolton, ish-këshilltari i Sigurisë Kombëtare i Shtëpisë së Bardhë, e quajti Donald Trump kancerin e Partisë Republikane dhe paralajmëroi se akuzat penale kundër ish- presidentit amerikan mund të jenë politikisht të dobishme, transmeton KosovaPost.
Bolton, i cili ka punuar në administratën e Trump për më shumë se një vit, të dielën në një intervistë për CBS news, tha: Më duhet të them se reagimi i Trump ndaj shpalljes së aferave kriminale të tij nuk është i mirë për të ardhmen e partisë. Trump është kanceri i Partisë Republikane.
Deklaratat e Boltonit erdhën pasi juria e madhe e Gjykatës së Lartë të Manhattan të Nju Jorkut paditi Trumpin dhe e akuzoi atë për pagimin e parave të heshtura (shpërblime). Të martën, më 4 prill, Trump do të paraqitet në një gjykatë në Manhattan të Nju Jorkut dhe më pas do të shqyrtohet çështja e tij.
Trump akuzohet se i ka paguar 130 mijë dollarë si para të heshtura një aktoreje në filma pornografikë përpara zgjedhjeve presidenciale të vitit 2016. Bolton paralajmëroi se shpallja e një krimi kundër Trump mund të jetë politikisht e dobishme dhe të çojë në garantimin e nominimit të tij si kandidat republikan në zgjedhjet presidenciale të vitit 2024.
Sipas Bolton, nëse Trump nuk akuzohet në këtë rast, ai do të pretendojë se kishte të drejtë dhe do ta përdorë këtë çështje për të mirën e fushatës së tij zgjedhore. Ai shtoi: “Nëse Trump shpallet fajtor, për mendimin tim, shumë amerikanë nuk duan që një person i dënuar të bëhet president”./KosovaPost/.
