Bullgaria do të jetë vendi i parë në Europë që do të ketë një reaktor funksional të tipit AP1000, tha Ministri i Energjisë Zhecho Stankov gjatë një forumi të organizuar nga Westinghouse në Sofje.
Ai shtoi se vendi tashmë ka një vend të miratuar dhe një Vlerësim të Ndikimit Mjedisor (VNM) për projektin, dhe aktualisht po punohet për financimin dhe koordinimin me Komisionin Europian.
Stankov tha gjithashtu se të hënën ai foli me Sekretarin e Energjisë të SHBA-së, Chris Wright, në lidhje me mundësitë e investimit në termocentralin bërthamor të Kozloduy-t.
Stankov, theksoi se shteti bullgar duhet të “shfrytëzojë mundësinë e ofruar nga projekte të tilla si Njësitë 7 dhe 8 të termocentralit bërthamor Kozloduy” dhe ka deklaruar qartë se kompanitë bullgare duhet të marrin pjesë në projekt.
Ai shprehu kënaqësinë e tij për nënshkrimin e disa memorandumeve të hënën, të cilat do t’u japin kompanive bullgare mundësinë për të marrë pjesë në atë që ai e përshkroi si “projekti më i madh i dekadës”.
Sipas Ministrit të Energjetikës, njësitë e reja do të krijojnë kushtet për riatdhesimin e ekspertëve bullgarë me përvojë ndërkombëtare, shkruan shqiptarja.com.“Në funksionim të plotë, termocentrali bërthamor do të punësojë rreth 10,000 punëtorë”, vuri në dukje Stankov.
