Vijon situata problematike me pacientët me shenja helmimi në Bulqizë. Edhe gjatë natës së mbrëmshme janë paraqitur pacientë në spitalin e Bulqizës.
Në harkun kohor të 48 orëve kanë marrë ndihmë mjekësore më shumë se 65 persona, të cilët janë rikthyer në shtëpi pas trajtimit mjekësor.
Pacientët vijnë me të vjella dhe diarre nga fise, fshatra dhe nga Lagjja e Re e Bulqizës. Pritet të dalin rezultatet e analizave që të përcaktohet shkaku nga se vjen helmimi.
