Hakan Çalhanoğlu u dëmtua gjatë ndeshjes së fundit të Turqisë kundër Uellsit, ku u largua nga fusha pas shqetësimeve në kofshë. Testet paraprake tregojnë se dëmtimi nuk është serioz, por do të ndiqet nga afër gjatë javëve në vazhdim.
Çalhanoglu është padyshim një lojtar kyç për Interin, por siç raportohet edhe nga “La Gazzetta dello Sport”, për momentin, ndjesia është se ai nuk do të jetë në formacionin titullar për ndeshjen e ardhshme në kampionat kundër Veronës.
Mesfushori turk pritet t’u nënshtrohet sot testeve mjekësore në Itali pas kthimit në Milano dhe vetëm atëherë Interi do të ketë një vlerësim më të saktë të gjendjes së tij.
Shpresa në kampin zikaltër është që Çalhanoglu, i cili ka tentuar të qetësojë të gjithë gjatë ditëve të fundit, të mund të rikthehet në formë të plotë për ndeshjen e Ligës së Kampionëve kundër Leipzigut, e planifikuar për të martën e ardhshme.
Për takimin kundër Veronës, është e sigurt që Çalhanoğlu nuk do të jetë i disponueshëm dhe Simone Inzaghi pritet të përdorë Kristjan Asllanin ose lojtarë të tjerë të mesfushës, sikurse ka ndodhur në javët e fundit.s.n.
