Ministri në detyrë i Punëve të Brendshme Xhelal Sveçla, bashkë me ambasadorin e Turqisë në Kosovë, Sabri Tunç Angili, Drejtorin e Policisë, Gazmend Hoxhën dhe Koordinatoren e TIKA-s, Fulya Aslan, ndanë certifikatat për 22 pjesëtarë të Drejtorisë së Mbrojtjes së Afërt, përcjell KosovaPost.
Me anë të një postimi në Facebook, Sveçla tha se 22 pjesëtarët e Mbrojtjes së Afërt përfunduan me sukses trajnimin e avancuar në sigurimin e personaliteteve.
“I jemi mirënjohës Republikës së Turqisë për mbështetjen e vazhdueshme për Policinë e Kosovës, duke kontribuar kështu në ngritjen dhe avancimin e kapaciteteve të saj. I falënderoj pjesëtarët e çertifikuar për përkushtimin dhe i uroj për këtë sukses të arritur”, shkroi Sveçla.
