Në një intervistë ekskluzive në “FRONTAL” të T7, ish-nënkryetari i OVL UÇK-së, Nasim Haradinaj, ka folur për arrestimin që iu bë vite më parë para zyrave të T7 për t’u dërguar në Hagë.
Haradinaj, përshkroi në detaje momentin e arrestimit duke treguar se si e kuptoi se po përcillej nga vetura e EULEX-it para se të dilte nga taksi.
“Dolën trup, kanë dalë shumë rrept”, u shpreh ai për momentin e arrestimit.
“Në Hagë kemi zbritur, sektor i veçantë i aviacionit, këtu një përkthyes. Në Hagë kanë ardhur ata që më kanë marrë, në burg më kanë prit gardianët, procedura tjetër, pastaj të zhveshur krejt lakriq, kontrolla”, ka thënë ndër tjerash Haradinaj.
Ai ka dhënë detaje tjera për momentin e arrestimit.
“Ka ardhë një polic i dytë, edhe ai foli suedisht tha të lutem rri qetë mos lëviz. I thash nuk pranoj…U mblodhën njerëzit përreth më thojshin mos u dorëzo, unë se kisha plan me udorëzu”, tha Haradinaj.
“Unë s’kam pranu as pranga mem qitë, as në kerr s’më kanë qitë pranga. Kur më kanë lëshu në fushën e parë atje më kanë thanë policët deri këtu është mandati jonë, më vjen keq më than policët i kam pa me lot në sy. Jom ndi shumë keq…”, tha Haradinaj.
Ai tha se ka refuzuar me hy në veturën e EULEX-it, duke kërkuar që të hynë në veturën e Policisë së Kosovës.
Haradinaj ka përshkruar takimet me Hashim Thaçin, Kadri Veselin, Jakup Krasniqin e Rexhep Selimin brenda burgut të Hagës.
Haradinaj thotë se me ish-krerët e UÇK’së janë parë vetëm kur ata kanë dalë në shëtitore, dhe përmes dritares, këta kanë kënduar për t’ju japur atyre kurajo.
“Kur dulum mu shëtit, na e kishim një dritare, e vetmja shansë për me i pa ka qenë kur shëtitshin me na pa këta neve. Kur na kqyrshin ata na knojshim këngë të UÇK’së, me ju dhon këtyne zemër, mos tjau nin e na thojshin mos folni. Atë ditë e kemi ditë që janë arrestu, jemi kon shumë të shqetësum. Sidomos Hashimi kur dha dorëheqje. Mendoj që qajo u kon dita që na jem ndje mas keqti. Besoj që janë ndje edhe populli, mendoj ky populli që din me vlerësu këto”, tha ai.
Haradinaj, ka folur për takimin e parë me Hashim Thaçin në Hagë. Ai thotë se fillimisht Thaçi doli në dritare, ka treguar ai në “Frontal” të T7.
Më vonë thotë se e ka takuar dhe ka pasur takim vëllazor me të dhe të tjerët që po mbahen në Hagë.
Thotë se Hashim Thaçi është letër e bardhë për të gjithë dhe për vetën.
“Thaçi u dalë i pari, Rexha i dyti, Baci Jakup, që dolën dritare. Jau kam çu grushtin, krejt UÇK-ja është këtu”.
“Takimi me ta ka qenë vëllazëror, miqësor, triumfues. I thash Hashim Thaçit, ti je ai që mendon që je, edhe u shike që është”.
“Hashim Thaçi është letër e bardhë, për të gjithë dhe për vetën”, ka thënë Haradinaj.
Haradinaj tha se për Thaçin kanë garantur tre shtete që të lirohet Shqipëria, Turqia dhe Kroacia.
Por, jo edhe Kosova, shton Nasim Haradinaj.
“A jemi qytetar të Kosovës, e ka obligim kushtetues, nëse mendo që UÇK-ja ka bë diçka. Nëse mendon që UÇK-ja ka qenë e panevojshme nuk ka nevojë as me i pa”.
“Albin Kurti te vizita mund të jetë edhe private, don me ardh s’do me ardh. Pushteti, se unë nuk e quaj Qeveri, pushteti që sillet ashtu, pushteti nuk e ka kry obligimin qytetar dhe kushtetues”.
“Kanë ofru garanci për Hashimin Shqipëria, Turqia e Kroacia. Kosova nuk ka garantu as atëherë as sot”, ka thënë ai.
Haradinaj ka thënë se gruaja e tij i kishte dhënë mbështetje në telefonatën e parë.
“Xhejlanja fjalët e parë i ka thënë taman mbështetëse, më ka thënë mos ta nin çdo gjë ka me qenë në rregull, hiqju atyre. Unë kurrë s’jam kursy a inciziojnë ajo, sepse unë mendimin që e kam pasur e kam thënë, edhe ia themë sërish”, ka thënë Haradinaj.
Ai është deklaruar edhe për vdekjen e vëllait të tij, Agronit, për të cilin tha se Specialja nuk i dha leje të marrë pjesë në varrimin e tij.
Haradinaj në Frontal të T7 tha se Specialja ia ka ndaluar edhe lidhjen me Zoom, me familjarët vetëm për shkak se ata ia tregonin vëllain e tij.
“Është momenti kur foli për Agronin. Ai më mungon si shok, se si vlla të gjithëve. Ai ka qenë forca jeme. Sjelljen e gjykatës që kanë bërë ndaj meje, ndaj tij. Ky është mburrja jonë. Unë Agronin e kom pa tu vdek. Nuk më kanë lon me pa as vizitë, në Gjermani e kemi pas, 15 minuta rrugë. Të tjerët i kanë lon. Nëse ishin arsyetu për mos siguri në Kosovë, nuk mendoj që shteti Gjerman nuk ka ofru siguri. Nuk kanë dasht kurrë. Ma hekshin vizitën familjare për një zoom me to. Ai nuk mujke me fol”.
Ai tutje tha se nuk është lejuar ta vizitojë as gruan e tij, kur është operuar nga kanceri.
“Edhe në burgjet serbe, vllau motra, nana, gruja fmija, janë familje e ngushtë që në asnjë mënyrë nuk guxon me tu mohu e drejta e vizitave të tyre. Mua nuk më kanë leju as kur më është bërë gruja operacion prej kanceri”.
Haradinaj ka përshkruar dhomën e burgut ku ka qëndruar në qendrën e paraburgimit në Hagë. Ai thotë se në dhomë kanë pasur edhe kompjuter, por që ka qenë pa lidhje interneti dhe ka qenë i kontrolluar, transmeton Express.“Dhoma e burgut ka qenë një dhomë sa një vetmi, një krevet 90 cm i gjerë, 2 metër i gjatë. Një sirtar për disa libra e dokumente. Një tualet dhe një tavolinë pune që ka qenë një kompjuter i kontrolluar, pa qasje të internetit dhe e kemi pasur vetëm një lidhje interne, qe e quanin të priveligjum, gjoja që nuk përcjelleshe, sepse ishte rren krejt. Ka pas të drejtë me ardh dikush me nejt, por na kanë përcjellur. Unë kam qenë mes Calit dhe Pjetrit. Na kemi shku nuk i kemi vet qaq. I kemi thy rregullat”, tha Haradinaj.
