Publicisti dhe ish-amabasadori i Republikës së Kosovës në Gjermani, Beqë Cufaj, përmes një postimi në Facebook, ka shkruar se liberalizimi i vizave për Kosovn do të ndodh në fundin e këtij viti, shkruan KosovaPost.
Cufaj këtë informacion e mbështet në faktin se ministri gjerman federal i punës, Hubertus Heil, është duke punuar për një Ligj të ri, i cili do mundësojë punësimin e të huajve me fokus nga Europa Lindore dhe Juglindore.
“Procedurat për miratimin e Ligjeve në Gjermani zgjasin jo më shumë se 4/5 muaj- dhe hyjnë në fuqi posa të botohen në Bundesgesetzblatt. Më së largu nga fundi i këtij viti ligji në fjalë do jetë realitet”, thotë Cufaj.
Postimi i plotë:
Ministri Federal i Punës Hubertus Heil po punon në detajet e para për një Ligj të ri për punësimin e të huajve – me fokus nga Europa Lindore dhe Juglindore.
Projektligji, me të cilin, mes tjerash, parashihet që rreth 125.000 punëtorë migrantë nga Europa Lindore dhe Juglindore të hyjnë në treg të punës (çdo vit) pa kufizime formale dhe procedura të vështira do të paraqitet në Kabinetin e Drejtuar nga Kancelari Scholz në muajin Mars.
Procedurat për miratimin e Ligjeve në Gjermani zgjasin jo më shumë se 4/5 muaj- dhe hyjnë në fuqi posa të botohen në Bundesgesetzblatt.
Më së largu nga fundi i këtij viti ligji në fjalë do jetë realitet.
E nga fundi i këtij viti edhe qytetarëve të Kosovës do t’u mundësohet udhëtimi pa viza në BE.
Republika e Kosovës nuk do ketë më të papunë./KosovaPost/
