Kanë mbetur edhe pak ditë deri në përfundimin e stinës se verës, stinë kjo që identifikohet me ahengje familjare e me theks të veçantë dasmat.
Derisa temperaturat e larta kanë kapluar ballkanin nuk kanë zbehur aspak deshirën e madhe për të festuar me zakone qysh e don tradita.
Ka pasur zëra që këtë vite ka pasur me pak organizime dasmash, mirëpo këtë e ka demantuar menagjerja e studio ‘Naimja’ e cila zotron dy studio të bukurisë një në Mitrovicë e tjetrën në Prishtinë.
Sipas, Naime Jakupi Mexhuani edhe këtë vit ka pasur kërkesa të mëdha dhe klientela ka qenë pothuajse e njejtë, ndoshta pak me shumë sesa në vitet paraprake, gjë që dëshmon që dasmat nuk kanë munguar “unë mund ta them se edhe këtë vit kemi pasur shumë kërkesa, madje nga nevoja e madhe kam shtuar edhe numrin e stafit si për Mitrovicë ashtu edhe për Prishtinë. Dasma ka pasur si çdo vit tjeter, në studion time nuk kam vërejtur se ka pasur mungesë organizimesh të tilla”, ka deklaruar zonja Jakupi-Mexhuani në një prononcim për Kosova Post.
Sipas saj gjysma e muajit korrit deri tani është shënuar rekord kërkesash sepse siç dihet edhe diaspora në këta muaj vizitojnë në masë të madhe vendlindjen çka bënë që edhe bizneset të kenë kërkesa më të mëdha në krahasim me muajt paraprak.
E në anën tjeter edhe pronarja e ‘Donjetadresses’ Donjeta Dervishi ka deklaruar se kjo sezonë po përmbyllet suksesshëm.
“Ne si biznes, që ofrojmë fustane me qera nuk kemi parë qe ka pasur rënje të organizimit të dasmave, përkundrazi edhe ky vit ka qënë tejet i madh me kërkesa”, tha Dervishi për Kosova Post, duke shtuar se tash e sa vite ajo ndahet e kënaqur me kërkesat e klinteles që ka gjatë gjithë vitit, por sezoni i verës mbetet me i kërkuari.
Organizimi i ahengjeve, konkretisht dasmave mbetet pa dyshim arterja kryesore e të hyrave kur dihet që shumë binznese lidhen me këtë veprimtari dhe vera pa dyshim që shënon rekord sa i përket organizimeve të tilla.
