Spitali i Përgjithshëm i Pejës sot feston 99 vjetorin e themelimit. Më 5 qershor të vitit 1925 u hap për herë të parë Shërbimi Higjeniko –Epidemiologjik, e pastaj duke vazhduar me hapjen e degëve të tjera të cilat funksionojnë edhe sot, përcjell Kosova Post.
Spitali i Përgjithshëm i Pejës kujton këtë datë historike, ndërsa theksohet se hapja e këtij institucioni ishte mundësuar nga fondi amerikan “Rockfeler”.
‘99 vite më parë, saktësisht më 5 qershor të vitit 1925 në Pejë u formua Institucioni i parë shëndetësorë në Kosovë që atëherë u quajt Shërbimi Higjeniko –Epidemiologjik.Ky Institucion ishte formuar me ndihmën e fondit “Rockfeler” nga SHBA.Në këtë foto shihen Mjek dhe qytetarë gjatë përurimit të këtij Institucioni që vuri bazën e kujdesit shëndetësorë në Pejë dhe në Kosovë”, thuhet në njoftimin e Spitalit të Pejës.
