Burime të lajmeve raportuan se deputeti i pavarur britanik John McDonnell ka bërë thirrje për dëbimin e ambasadores izraelite Tzipi Hotovely nga Londra, transmeton Kosova Post.
John McDonnell, në një fjalim në Dhomën e Komunave tha: “Gjatë periudhës së Krishtlindjes, kur po festonim me familjet tona, ne dëshmuam disa pamje të fëmijëve të Gazës, të cilët po vdisnin nga uria dhe të ftohtit si rezultat i sulmeve të regjimit sionist ndaj këtij rajoni dhe rrethimit të tij.”
John McDonnell bëri thirrje që Izraeli të izolohet ekonomikisht dhe ushtarakisht, duke thënë se zyrtarët britanikë mund të luajnë një “rol drejtues” në këtë proces.
Ai shtoi: “Por ajo që më shqetëson në mënyrë të veçantë është se ne kemi një ambasadore izraelite (Hotovely), e cila mbron Izraelin e Madh, e cila refuzon të njohë shtetin e Palestinës dhe e cila nuk pajtohet me asnjë nga rezolutat e OKB-së në lidhje me mënyrën e arritjes së paqes e të sigurisë. Dhe kjo ambasadore është ende në vendin tonë! Përse nuk e dëbojmë ambasadoren izraelite?!”
Që nga sulmi i Hamasit më 7 tetor 2023, Hotovely ka nxitur vazhdimisht zemërimin e publikut me deklarata kontroverse, të tilla si pretendimi se “nuk ka krizë humanitare në Gaza” dhe se “Izraeli nuk po bombardon civilët e Gazës”.
Më herët, populli britanik, duke nënshkruar një peticion, kanë kërkuar dëbimin e ambasadores izraelite në këtë vend, Tzipi Hotovely, për shkak të mbështetjes së saj për gjenocidin në Rripin e Gazës.
Në nëntor 2024, Gjykata Penale Ndërkombëtare ka lëshoi urdhër-arreste për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant me akuzën e kryerjes së krimeve të luftës dhe krimeve kundër njerëzimit në Gaza.
Izraeli gjithashtu po përballet me një çështje gjyqësore gjenocidi në Gjykatën Ndërkombëtare të Drejtësisë për shkak të luftës së tij në zonën e bllokuar.
