Sipas ‘Gazzetta dello Sport’, Manchester City dhe Real Madrid e kanë ndjekur nga afër Tijjani Reijnders, por nuk ka asnjë mundësi që Milani të heqë dorë nga mesfushori holandez. Plani i klubit është i qartë: ndërtimi i Milanit të ri do të bëhet pikërisht rreth tij.
Në krah të tij kërkohet një mesfushor më fizik, në stilin e Fofana-së, por me më shumë vazhdimësi në paraqitje. Po ashtu, është i nevojshëm një sulmues si Santiago Gimenez, i cili me lëvizjet dhe lojën me shpinë nga porta mund të krijojë hapësira për inkursionet e Reijnders.
Me Pulisic, një tjetër pikë e fortë e Milanit, mesfushori ka krijuar një marrëdhënie perfekte në fushë, e cila ka sjellë sezonin më të mirë të të dyve sa u përket numrave. Kur Reijnders futet në zonë, Pulisic e di mirë si të lëvizë për t’i hapur rrugën.
Reijnders ka shkëlqyer jo vetëm me Milanin, por edhe me Kombëtaren e Holandës. Në këtë sezon, ai ka shënuar tre gola me “Tulipanët” – i fundit, vendimtar ndaj Spanjës – dhe ka dhënë një asist. Në total, mes golave dhe pasimeve për gol, ka kaluar shifrën e 20 kontributeve: 21 në total.S.N.
