Kohët e fundit, shumë individë po vuajnë nga ankthi.
Sipas ekspertëve të shëndetit mendor, një regjim ushqimor i balancuar mund të ndihmojë shumë në rikthimin e ekuilibrave hormonalë por edhe sheqerit në gjak, gjë që kontribuon në mirëqenien tonë emocionale.
Disa nga ushqimet që ndihmojnë për të parandaluar ankthin janë:
Turshitë
Ushqimet e fermentuara në kushtet e shtëpisë, siç janë lakra turshi, kosi, kefiri apo kastravecat turshi ndikojnë në uljen e niveleve të ankthit.
Studime të shumta zbuluan se ushqimet e fermentuara të pasura me probiotikë ulin nivelet e ankthit.
Uji
Dehidratimi ndikojnë direkt tek humori, thotë një studim i publikuar në gusht të vitit 2018.
Sipas ekspertëve, njerëzit duhet të sigurohen të pinë mjaftueshëm ujë që të shmangin dehidratimin dhe më pas nivelet e rritura të ankthit.
Peshku
Salmoni i egër, skumbria, trofta dhe sardelet janë shumë të pasura me zink, një ushqyes shumë i rëndësishëm për njerëzit që vuajnë nga ankthi.
Për më tepër, ato ofrojnë acide yndyrore Omega-3, të cilat luajnë një rol jetësor për shëndetin e trurit.
Sipas ekspertëve, njerëzit që vuajnë nga ankthi duhet të konsumojnë dy racione peshk në javë.
Duhet të bëni kujdes me anashkalimin e vakteve pasi sheqernat në gjak do të bien dhe si pasoj niveli i ankthit do të rritet.
Ekspertët këshillojnë që vaktet të konsumohen rregullisht dhe fokusi të jetë tek ushqyerja e shëndetshme.
