Pas zgjidhjes së ndërsjellë dhe të menjëhershme të kontratës mes Marcelos dhe Fluminenses, ish-futbollisti Realit ka lënë një mesazh lamtumire për tifozët e klubit të Rios.
“Kam përjetuar një periudhë të mrekullueshme në këtë klub. Gati dy vite më parë vendosa të kthehem, i motivuar nga lidhja sentimentale me skuadrën. Kam marrë pjesë në momente të paharrueshme, si fitimi i Libertadoresit të parë në historinë e klubit. Emri im do të përjetësohet në stadiumin e rinovuar Marcelo Vieira, vendi ku stërviten çdo ditë fëmijët tanë nga Xerém”, nisi të shkruante Marcelo, para se të përfundonte me një fjali enigmatike për situatën e diskutueshme me ish-trajnerin e tij, Mano Menezes.
“Dua të falënderoj bashkëshorten dhe fëmijët e mi, që janë gjithmonë pranë meje dhe për gjithë sakrificën që kanë bërë për mua. Jam krenar për atë që kam arritur dhe falënderoj të gjithë ata që e bënë këtë moment unik, veçanërisht presidentin, punonjësit dhe shokët e mi të skuadrës. Falënderoj edhe trengjyrëshit për mbështetjen. Unë gjithmonë do ta mbaj Fluminensen në zemrën time. E vërteta si dielli do të dalë gjithmonë”, përfundoi ai.
