Presidentja, Vjosa Osmani, ka marrë pjesë në ecjen tradicionale e organizuar në kuadër të Muajit Ndërkombëtar të Luftës Kundër Kancerit të Gjirit.
Presidentja Osmani tha se është e përkushtuar në këtë luftë të vështirë, të cilën, që duhet përballuar dhe fituar së bashku.
Sipas saj, ky është një angazhim që e bëhet prej secilit çdo ditë, “jo vetëm për ta rritur ndërgjegjësimin, por edhe për të ndërmarrë veprime konkrete, kuptimplota që ofrojnë mbështetje të drejtpërdrejtë për ato që kanë më së shumti nevojë”.
“Prandaj edhe për të tretin vit radhazi Presidenca, së bashku me organizatën “JETA/VITA”, kanë dhurua pako onkologjike për gratë e prekura nga kanceri i gjirit. Kurse Ministria e Shëndetësisë ka udhëhequr përpjekjet për veprime konkrete dhe përmirësimet në repartin e Onkologjisë”, tha presidentja Osmani.
Tutje, ajo paralajmëroi se në buxhetin e ardhshëm të miratohen të gjitha kërkesat për barna shtesë që i ka pikërisht kjo onkologji që të lehtësohet kjo betejë e pacientëve.
“Ky marshim është dedikim për gratë stoike të mbijetuara, por edhe shenjë kujtimi për të gjitha ato që i kemi humbur dhe mbështetjen e atyre që ende përballen me këtë sfidë. Hapat që po bëjmë sot dëshmojnë fuqinë e mobilizimit kundër kësaj të keqeje, por edhe shpresën për një të ardhëm kur kanceri nuk përbën më kërcënim për jetët tona”, tha, mes tjerash, Osmani.
Drejtoresha e Qendrës Kosovare për Luftimin e Kancerit të Gjirit “Jeta/Vita”, Nafije Latifi, theksoi se pavarësisht se ka ende punë për tu bërë në sektorin shëndetësor për trajtimin e kësaj sëmundje, 450 rastet e reja që dalin çdo vit janë me fat që trajtohen nga profesionistët dhe pa kosto shtesë.
“Sot është një ditë e veçantë për mua dhe për të gjitha që kanë qenë pjesë e kësaj nisme të përbashkët. Kemi thyer tabut dhe heshtjen e për sëmundjen e kancerit, duke u bërë force për ndryshim. Çdo fjalë inkurajuese, çdo donacion, çdo pjesëmarrje ka ndikuar më ndërtimin e këtij komunitet të zëshme. Sot rreth 450 raste te reja që zbulohen në vit, dhe gra të tjera kanë fat që trajtohen nga profesionistë tanë, edhe se ka vend për më shumë përmirësim të kushteve e staf shtesë”, theksoi ajo.
Ecja tradicionale në kuadër të Muajit Ndërkombëtar të Luftës Kundër Kancerit të Gjirit është organizuar nën patronatin e Presidentes së Republikës së Kosovës, Vjosa Osman, së bashku me Qendrën Kosovare për Luftimin e Kancerit të Gjirit “JETA/VITA”.rtk.
