Ministri i punëve të Jashtme të Francës, Jean-Noel Barrot, hodhi poshtë kritikat e ashpra të zëvendëpresidentit amerikan, JD Vance.
Ky i fundit pretendoi se demokracia është në rënie në Evropë, duke theksuar se “liria e shprehjes është e garantuar në Evropë”.
“Askujt nuk i kërkohet të miratojë modelin tonë, por askush nuk mund të na imponojë të vetin”, shkroi Barrot në X, përpara fjalimit në Konferencën e Sigurisë në Munih.
Fjalimi i JD Vance tronditi liderët evropianë për shkak të kritikave ndaj “lirisë së shprehjes”, për të cilën ai tha se është “në rënie” në Evropë, si dhe ndaj politikave e migrantëve të kontinentit të vjetër. Ai veçanërisht kritikoi partitë tradicionale gjermane, të cilat refuzojnë çdo aleancë me AfD-në.
Gjermanët “nuk do të pranojnë që palët e treta të ndërhyjnë në favor” të partisë së ekstremit të djathtë AfD një javë para zgjedhjeve të përgjithshme në vend, deklaroi të shtunën kancelari gjerman, Olaf Scholz, telegrafi.
Ai dënoi ndërhyrjen e njeriut të dytë të Uashingtonit, i cili të premten kritikoi izolimin e AfD-së dhe bëri thirrje për heqjen e “kordonit sanitar” rreth kësaj partie.
