Një ekip shpëtimtarësh nga turqia filloi një kërkim të thellë në burgun famëkeq Saydnaya të Sirisë të hënën, tha për AFP një zëdhënës i agjencisë turke të menaxhimit të fatkeqësive AFAD, transmeton Kosova Post.
AFAD tha se kishte dërguar një ekip prej afro 80 personash për të kryer një operacion kërkim-shpëtimi për të “gjetur njerëz që mendohet të jenë të bllokuar në burgun ushtarak Sadnaya”, ndërsa drejtori i saj do të jepte një konferencë shtypi jashtë burgut për misionin e tij. Zëdhënësi Kubilay Ozyurt tha për AFP.
Kompleksi mendohet se zbret në disa nivele nën tokë, duke nxitur dyshimin se më shumë të burgosur mund të mbahen në qeli të fshehura ende të pazbuluara.
Edhe Shoqata e të Paraburgosurve dhe Personave të Zhdukur të Burgut Saydnaya (ADMSP), beson se mund të ketë ende të burgosur në qelitë e fshehura.
AFAD tha se ekipi, i cili është i specializuar në operacionet “të rënda” të kërkimit dhe shpëtimit urban, do të punojë me “pajisje të avancuara kërkimi dhe shpëtimi”, njoftoi agjencia shtetërore e lajmeve Anadolu.
