Shtatë persona, nga Kolumbia, Spanja e Venezuela, janë arrestuar në Elbasan këtë të shtunë (7 dhjetor), të akuzuar për ushtrim dhe shfrytëzim prostitucioni.
Policia njofton se janë arrestuar: shtetasit kolumbiane A. B., 22 vjeç, dhe L. B., 19 vjeçe, për veprën penale “Shfrytëzimi i prostitucionit”; shtetaset spanjolle S. F., 36 vjeçe, dhe M. C., 32 vjeçe, shtetaset kolumbiane P. S., 27 vjeçe, dhe Y. A., 29 vjeçe, si dhe shtetasja venezueliane A. R., 38 vjeçe.
Sipas Policisë, në lagje të ndryshme të Elbasanit, këto shtetas kishin përshtatur për shfrytëzim prostitucioni ambiente të marrë me qira, si dhe duke u promovuar në faqe online ofronin favore seksuale kundrejt pagesave.
Gjatë operacionit, janë sekuestruar shuma parash dhe celularë të dyshuar të përfituara nga kjo veprimtari e paligjshme. Operacioni vijon në kuadër të përpjekjeve për të goditur paligjshmërinë në fushën e ushtrimit dhe shfrytëzimit të prostitucionit në Elbasan.rtsh
