Raportuesi i Parlamentit Evropian për Serbinë, eurodeputeti kroat Tonino Picula, deklaroi se nevojitet një hetim i paanshëm për përdorimin e një “topi zanor” në një protestë paqësore studentore në Beograd dhe theksoi se BE-ja nuk duhet të heshtë për incidente të tilla në vendin kandidat.
“Besoj se është e nevojshme të kryhet një hetim i paanshëm dhe se BE-ja duhet të ushtrojë presion shumë më të fortë dhe më të artikuluar ndaj autoriteteve në Serbi, si dhe të përcaktojë qartë këtë veprim të paligjshëm, në përputhje me të gjitha njohuritë”, tha Picula për televizionin N1 të Kroacisë, transmeton Beta.
Ai theksoi se BE-ja “nuk mund dhe nuk duhet të heshtë për incidente të tilla në një vend kandidat për anëtarësim”.
Picula tha se padyshim ka dyshime për operacione të paautorizuara dhe përdorim të një “topi zanor” dhe shtoi se është veçanërisht i shqetësuar që shumë qytetarë kanë raportuar probleme mjekësore që mund të jenë pasojë e përdorimit të një sistemi të tillë.
Picula vlerësoi gjakftohtësinë dhe përgjegjësinë e studentëve në atë moment.g.e.
