Në Greqinë fqinje stina e verës sjell problemet e vjetra. Zjarrfikësit punuan deri në mëngjes për të fikur një zjarr të egër nga fshatrat e ishullit të dytë më të madh të Greqisë, Evia.
Autoritetet urdhëruan evakuimin paraprak të dy fshatrave në orët e hershme të mëngjesit. Zjarri shpërtheu në qendër të ishullit rreth orës 3 të së hënës, ndërsa erërat e forta nxitën përhapjen e tij.
Situata është përmirësuar pak të martën, por zjarret mbeten një rrezik për shkak të kushteve të erës, tha një zëdhënës i shërbimit zjarrfikës. Më shumë se 200 zjarrfikës, 13 avionë dhe gjashtë helikopterë ishin në vendngjarje rreth 60 kilometra në verilindje të kryeqytetit, Athinë.
Një anije e rojës bregdetare ka qenë në gatishmëri gjatë natës për evakuime të mundshme nga deti. Zjarret e egra në Greqi janë bërë më të shpeshta vitet e fundit gjatë verës gjithnjë e më të nxehtë dhe të thatë.a2cnn.
