Në Podujevë ka filluar sot ndërtimi i shtegut të biçikletave në rrugën “Hakif Zejnullahu”.
Kjo u bë e ditur nga Komuna e Podujevës, ndërsa theksohet se me realizimin e shtegut të biçikletave rruga po kompletohet.
“Me realizimin e shtegut të biçikletave rruga “Hakif Zejnullahu” po kompletohet si projekt i përfunduar, ku gjatë vitit të kaluar kjo rrugë është rikonstruktuar në tërësi, duke përfshirë asfaltimin, trotuarin, ndriçimin dhe shtegun e ecjes për persona të verbër”, thuhet në njoftim.
Fillimi i këtij projekti është përcjellur nga afër nga drejtori i Shërbimeve Publike, Bahri Selimi.
