Kanë nisur punimet në projektin që do të lidhë lagjen Arbëria në Prishtinës me qendrën e qytetit. Ky projekt u quajt si transformues e i një rëndësie të madhe për zhvillimin urban duke ofruar mundësi të reja për banorët e Prishtinës.
Kryetari i Prishtinës Përparim Rama tha se kryeqyteti po kthehet në një metropol të vërtetë.
“Ky projekt do të ndërlidhë lagjen Arbëria, ku jetojnë mbi 30 mijë banorë, me qendrën e qytetit. Premtimet po i shndërrojmë në realitet, dhe përmes dedikimit profesional dhe planifikimit të mirë, po e kthejmë Kryeqytetin në një metropol të vërtetë. Përfitimet e kësaj platforme do të jenë shumëdimensionale”, tha kreu i Prishtinës.
Ndërkohë, Kryetari i LDK-së, parti që udhëheqë me kryeqytetin projektin e quajti gurthemel në zhvillimin e Prishtinës.
“Përparimi po lë një shenjë historike në Prishtinë, duke përmbushur një premtim të fushatës elektorale për lidhjen e Arbërisë me qendrën e qytetit. Jemi krenarë dhe mbështetës për këtë arritje”, tha Abdixhiku në këtë ceremoni
Sipas komunarëve platforma “Arbëri – Pallati i Rinisë”, pritet të bëhet një qendër dinamike e aktiviteteve dhe pikë referimi për kryeqytetasit./KosovaPost/
