Interi ka arritur për herë të dytë në tre vitet e fundit finalen e Champions League në epokën Inzaghi dhe tashmë pret të mësojë rivalin që do të përballet me të në 31 maj, në finalen e madhe në Mynih.
Sytë e zikaltërve do të jenë të ngulur sonte në sfidën e kthimit mes PSG dhe Arsenalit, që pritet të jetë një tjetër spektakël futbolli.
Yamal i dëshpëruar ka një premtim për tifozët: Do jua sjell Championsin në Barcelonë!
Parizienët e Luis Enrique vijnë nga një fitore minimale 1-0 në Londër, falë golit të shpejtë të Dembélé (4′) dhe paraqitjes madhështore të Donnarumma-s, i cili ishte mur i pakalueshëm për “Topçinjtë”.
Nga ana tjetër, Arsenali kërkon një tjetër përmbysje epike pas asaj ndaj Real Madridit, për të shpëtuar një sezon jo shumë të suksesshëm, ku ndodhet -15 pikë nga Liverpool në Premier League dhe jashtë garës për titull. Për më tepër, ka edhe një dëshirë hakmarrjeje ndaj Interit.
Për PSG-në, Champions është më shumë se një objektiv: është obsesion. Asnjëherë nuk e ka fituar, pavarësisht superyjeve si Messi e Neymar në të kaluarën. Sot, me Mbappé që ka shpallur largimin, parizienët duket se kanë krijuar një skuadër të vërtetë, të re dhe me potencial të jashtëzakonshëm.
Dembélé është në formën më të mirë të karrierës (33 gola dhe 12 asiste), Kvaratskhelia është përshtatur menjëherë, ndërsa Barcola dhe Doué sjellin freski. Në prapavijë, konfirmohen Hakimi, Nuno Mendes dhe Marquinhos, ndërkohë që Donnarumma mbetet pika më e fortë.
Luis Enrique synon me çdo kusht finalen, që do të ishte përballja e parë zyrtare ndërmjet Interit dhe PSG-së. Një sukses i tillë do të kurorëzonte punën e tij dhe do t’i jepte kuptim një rruge ku PSG ka eliminuar tri ekipe angleze: Liverpool, Aston Villa dhe ndoshta Arsenalin.
Formacioni i PSG-së: Donnarumma; Hakimi, Marquinhos, Pacho, Nuno Mendes; Fabian Ruiz, Vitinha, Joao Neves; Kvaratskhelia, Dembélé dhe Doué (favorit ndaj Barcola-s).
Në krahun tjetër, Arsenali vuan mungesa të rëndësishme si Gabriel Jesus, Havertz, Gabriel dhe Tomiyasu. Calafiori është vetëm në sto, shkruan oranews.al.Formacioni pritet të jetë: Raya; White, Saliba, Kiwior, Lewis-Skelly; Rice, Thomas (favorit ndaj Merino-s), Odegaard; Saka, Martinelli dhe Trossard si “fals 9”.
