Anija ruse “Ursa Major” është fundosur në Mesdhe pas një shpërthimi në bord. Katërmbëdhjetë anëtarë të ekuipazhit u shpëtuan, ndërsa dy të tjerë mbeten të zhdukur.
Sipas informacioneve nga inteligjenca ushtarake ukrainase dhe burimeve spanjolle, anija po drejtohej drejt Sirisë për të transportuar pajisje ushtarake ruse që po tërhiqeshin nga vendi pas rënies së diktatorit Bashar al-Assad. Sidoqoftë, disa burime ruse pohojnë se ngarkesa përfshinte pajisje për ndërtimin e një anije bërthamore në Vladivostok.
Anija “Ursa Major” u fundos në ujërat ndërkombëtare mes Spanjës dhe Algjerisë, pas shpërthimit të motorëve. Anëtarët e ekuipazhit të shpëtuar u dërgua në Spanjë.
Ky incident vjen pas humbjeve të tjera të anijeve ruse në Detin e Zi për shkak të sulmeve nga dronët dhe raketat ukrainase. Gjithashtu, forcat ruse po tërhiqen nga pozitat e tyre strategjike në Siri pas një ofensive të shpejtë të rebelëve që solli rrëzimin e regjimit të Assadit.abc.
