Valentín Barco, lojtar i huazuar nga Brightoni te Sevilla, e gjeti shtëpinë e tij të kthyer përmbys nga hajdutët.
Kjo ngjarje është raportuar në rrjetet sociale nga e dashura e tij, influencerja Yaz Jaureguy, e cila ndau pamje të kamerave të sigurisë.
“Arritëm në shtëpinë tonë dhe e gjetëm kështu, të përmbysur. Të arrish në një vend plot shpresa dhe të mos mundesh të jesh i qetë… Është shumë e çuditshme, mos besoni as në hijen tuaj”, shkroi Yaz Jaureguy, duke ndarë dyshimin e saj.
Ajo shtoi se dy burra ishin futur nga shtëpia përballë, kishin qëndruar 50 minuta brenda dhe ishin larguar 10 minuta para se ata të arrinin.
“Më e çuditshme është që vetëm një punonjës e dinte për lëvizjet tona gjatë atyre orëve. Kishte vetëm një hyrje dhe ata dolën 7 minuta para se të hynim ne”, tha ajo.
Ajo përfundoi duke thënë se kishin bërë një denoncim dhe shpresonin që kjo të mos ishte diçka që nuk do të kishte rezultat. Ajo shtoi gjithashtu se ishin mirë dhe se qentë e tyre, që nuk kishin pushuar së lehuri, gjithashtu ishin në gjendje të mirë.s.n.
