Marko Gjuriq, ministër i Jashtëm i Serbisë, ka zhvilluar një ‘‘bisedë të shkëlqyer telefonike’’, me zyrtarin e Lartë të Byrosë për Çështje Evropiane dhe Euroaziatike nga Departamenti i Shtetit të SHBA-ve, Louis Bono.
Kështu ka thënë Gjuriq përmes një postimi në rrjetin social ‘‘X’’, ku ka shtuar se ata të dy kanë diskutuar për mundësitë e bashkëpunimit mes Serbisë dhe Shteteve të Bashkuara të Amerikës.
‘‘Bisedë e shkëlqyer telefonike me Zyrtarin e Lartë të Byrosë për Çështjet Evropiane dhe Euroaziatike të @StateDept, Louis Bono @StateEUR, rreth mundësive për forcimin e bashkëpunimit mes Serbisë dhe Shteteve të Bashkuara në të gjitha fushat që janë të dobishme për të dyja palët. Ne vazhdojmë të angazhohemi për të punuar aktivisht në një agjendë bilaterale pozitive dhe të orientuar nga e ardhmja, me Dialogun Strategjik si pikën kyçe të marrëdhënies tonë’’, ka shkruar ai. g.e.
