Profesori universitar, Ardian Gola, ka komentuar ngjarjen që ka ndodhur në Shtërpcë, me ç’rast mbeten të plagosur dy fëmijë serb, raporton KosovaPost.
Përmes një postimi në faqen e tij në Facebook, deputeti i Kuvendit të Republikës së Kosovës, ka thënë se plagosja e dy serbëve është e motivuar politikisht dhe jo etnikisht.
“Prandaj, po e perseris, cdokush qe ka pervoje shoqerore ne Kosove, e din fort mire qe jeta sociale nderetnike eshte krejtesisht e relaksuar dhe probabiliteti per dhune te individualizuar me motivim etnik eshte zero”, shkruan ndër të tjera ai.
Postimi i plotë:
Nuk kam nevoje te pres verdikte gjyqesore qe ta di se plagosja e dy serbeve ne Shterpce nuk eshte e motivuar etnikisht. Probabiliteti per dicka te tille eshte zero. Nese rastesisht del te jete etnike, gje qe jam i bindur qe nuk do te del, atehere ajo eshte politike me qellime dhe plane konkrete per destabilizim, te cilin duan me ia faturu shtetit te Kosoves nen diskursin kriminal dhe shfytyrues te koheve te fundit se Kosova na i trajtoka serbet sikurse sikur Millosheviqi dikur shqiptaret.
Per secilin shqiptar qe ka vec pak pervoje shoqerore ne Kosove, e kupton qe jeta sociale nderetnike ne Kosove eshte shume e relaksuar. Per me teper, jane pikerisht shqiptaret qe vazhdojne t’u pershtaten gjuhesisht serbeve ne situatat e ndryshme sociale. Kontaktoni me tregtaret shqiptare, sa per shembull, dhe pyesni se ne cfare gjuhe komunikojne me konsumatoret serbe. E nga ana tjeter, kontaktoni tregtaret serbe se ne cfare gjuhe komunikojne me konsumatoret shqiptare. Cilat jane pervojat e tyre? etj. Ne fakt, ky do te ishte nje rast i mire per studim (ftoj Departamentin e Sociologjise dhe ate te Antropologjise) por pervojat e mia flasin per komunikim krejtesisht te pangarkuar.
Prandaj, po e perseris, cdokush qe ka pervoje shoqerore ne Kosove, e din fort mire qe jeta sociale nderetnike eshte krejtesisht e relaksuar dhe probabiliteti per dhune te individualizuar me motivim etnik eshte zero.
