Granit Xhaka rikthehet në “Anfield” këtë të martë si kundërshtar i Liverpoolit në Champions League. Mesfushori i Bayer Leverkusenit, i cili ka luajtur për shumë sezone në Premier League me fanellën e Arsenalit, foli e superlativa për sulmuesin e “The Reds”, Mohamed Salah.
Egjiptiani pritet të jetë në qendër të skenës mbrëmjen e sotme dhe Xhaka beson se ai dhe shokët e tij të skuadrës në Leverkusen do ta kenë një punë shumë të vështirë për ta për ta ndalur.
“Ai ka cilësi të jashtëzakonshme”, tha Xhaka në një konferencë për shtypin një ditë para ndeshjes. “Më kujtohet se ai shkoi nga Basele te Chelsea, Roma dhe tani te Liverpool, ku është zhvilluar dhe është fantastik para portës. Ai tani është një legjendë. Ne duhet të bëjmë më të mirën për ta ndaluar.”
Të dy lojtarët luajtën për Baselin në fillim të karrierës së tyre, por nuk ishin shokë skuadre, pasi Xhaka u largua për t’u bashkuar me Borussia Monchengladbach verën që Salah iu bashkua gjigantëve zviceranë nga Al Mokawloon.
