José Mourinho ka dhënë deklarata të papritura gjatë një interviste në podcastin e ish-mesfushorit John Obi Mikel. Kur u pyet se kë preferonte mes Sir Alex Ferguson dhe Pep Guardiola, “Special One” shmangu krahasimin e drejtpërdrejtë, duke theksuar se është e pamundur të krahasohen epoka dhe kontekste të ndryshme:
“Të dy janë trajnerë historikë në Premier League, por më legjendari për mua është Ranieri”.
Mourinho shpjegoi arsyen e zgjedhjes së tij, duke njohur arritjen e jashtëzakonshme të trajnerit italian me Leicester City-n:
“Të fitosh 5 ose 6 trofe me Manchester United ose Manchester City në këtë brez është një arritje e madhe, por ta çosh Leicesterin drejt titullit është diçka unike. Nuk ka ‘por’: ishte trofeu më i pabesueshëm që kam parë dhe përjetuar ndonjëherë”.s.n.
