Pep Guardiola nuk ka kritika për ekipin e tij pas barazimit me Interin në ndeshjen e parë në Champions për këtë edicion me format të ri.
Spanjolli vlerëson shumë ekipin zikaltër, madje thekson se ekipi i tij luajti më mirë se në finalen e Stambollit, por kishte përballë një ekip të madh.
“Ishte një ndeshje e vështirë, Interi është një ekip i mrekullueshëm, që luan shumë mirë në kundërsulm dhe mbrohet shumë mirë. Por mua më pëlqeu gjithçka në ekipin tim, sepse e di se me çfarë skuadre u përballëm, ata nuk janë kampionë të Italisë rastësisht. Ne luajtëm më mirë se në finalen e Stambollit dhe në pjesën e dytë patëm 4-5 raste, ndërsa ata një me Lautaron në fund, por ne jemi gjithashtu një ekip fantastik”.
Për Guardiolën, pavarësisht mungesës së golit, nuk ka vend për të folur për aspekte negative.
“Nuk ka asgjë që më të pakënaqur, më ka pëlqyer gjithçka, jam shumë i lumtur që mund të sulmoj me 11 futbollistë që dinë të mbrojnë, të dublojnë… Në këtë nivel, nuk mund të kesh 20 mundësi për të shënuar, ne patëm pesë raste, luajtëm edhe më mirë se finalen e dy viteve më parë, por ne nuk fituam”.s.n.
