Agim Vuniqi
“A ju kujtohet profesori që në qiell e ngriti Albin Kurtin qe kush është ky. Zakonisht servilët janë të prirur edhe për keqpërdorime të tjera”, kështu flet gazetaruci-prokurori prontist, Berat Buzhala, duke drejtuar gishtin tregues te Prof. dr. Salem Lepaja, në një postim të tij në f-book, e të publikuar në disa portale të dyshimta.
Albinin në qiell e ka ngritur suksesi i tij! Prof. Salem Lepaja vetëm ka dëshmuar per të ndalur propaganden e rrejshme të Buzhales dhe sojit te tij. Janë fletoret që ka ruajtur Profesori shembullor, si dëshmi e pamohueshme.
Se sa gazetaria kosovare çalon, veçse është ditur, por perpjekjet e ca gazetarucëve që të dëmtojnë prestigjin e profesorëve universitarë me renome ndërkombëtare janë jo vetëm jodinjitoze, por edhe friksuese. Ky soj njëzish të paskrupullt që karrierën e tyre e kanë ndërtuar në propagandë linçuese “gebelsiane” po tronditë opinionin publik, duke goditur pa të drejtë intelektualë të çmuar të vendit, njërin ndër ta edhe Salem Lepajën, një margaritar i shkencës kosovare në fushën e telekomunikimeve, student i shkëlqyeshëm gjatë studimeve në Univerzitetin e Prishtinës, i magjistruar në Zagreb dhe Londër, me doktoratë të kryer në Vjenë, përndryshe profesor shumëvjeçar në Universitetin e Prishtinës, i angazhuar në Institutin per rrjete komunikuese të Univerzitetit Teknik te Vjenes, ku ka punuar 3 vjet si bashkepunetor i lartë shkencor. Aty edhe e ka kryer doktoraten.
Ai ka qenë nënshkrues i Apelit te 213 imtelektuakeve. Kryetar i Keshillit protestues te Fakultetit teknik ne vitin 1992. Prodekan për mësim ne Fakultetin ekektroteknik ne vitet 1991-1993. Kryetar i Keshillit per çështje financiare dhe materiale te Universitetit te Prishtines.
Ne garat e dijes te 20 universiteteve dhe shkollave te larta ne ish-Jugosllavi Fakulteti i Elektroteknikës ka zënë vendin e tretë në ranglistën e Univerziteteve më të mira, pas Univerzitetit të Beogradit dhe të Zagrebit, ndersa atëherë studenti, Salem Lepaja, ka qenë i 6-ti në ranglistë në mesin 100 studentëve garues, të të gjitha Universiteteve, të ish Jugosllavisë, të mbajtura më 1977 ne Poreç.
Përndryshe profesori dhe intelektuali Salem Lepaja ka qenë i diferencuar ideopolitikisht nga sistemi i atëhershëm disa here. Ka qenë edhe Kryetar i Sindikates se Pavarur te Fakultetit dhe kryetar i Keshillit te Solidaritetit te Universitetit te Prishtines.
Ai akoma shërben me dinjitet në ngritjen e nivelit të studimeve te shumë gjeneratave universitare, duke edukuar dhe përgatitur brezin e ri për sfidat e reja në zhvillimin e vendit dhe në forcimin e shtetndërtimit përmes procesit arsimor dhe shkencor.
(Në foto keni numrin e publikimeve shkencore, 15, të lexuara nga 8,761 studjues, të cituar nga 70 studjues shkencor. Burimi: google, Salem Lepaja)
