Hamasi ka refuzuar zyrtarisht propozimin e fundit të armëpushimit të Izraelit, duke thënë se nuk do të pranojë një marrëveshje “të pjesshme” që nuk garanton një fund të luftës ose një tërheqje të plotë të trupave izraelite nga Gaza.
Kryenegociatori i Hamasit, Khalil al-Hayya, akuzoi kryeministrin izraelit, Benjamin Netanyahu , se ka paraqitur një ofertë që vendos kushte të pamundura për një marrëveshje që nuk çon në fund të luftës ose tërheqje të plotë.
Janë 58 pengje të mbajtura në Gaza, të cilët u kapën nga Hamasi pas sulmit të 7 tetorit në Izraelin jugor në 2023, me 24 që besohet se janë ende gjallë.
Në ofertën më të fundit të Izraelit për Hamasin, ata kishin propozuar lirimin fillestar të 10 pengjeve në këmbim të një armëpushimi 45-ditor dhe lirimin e të burgosurve palestinezë, me premtimin për diskutime të mëtejshme për përfundimin e luftës dhe rivendosjen e ndihmës për Gazën.
Për herë të parë, Izraeli kishte kërkuar çarmatimin e plotë të Hamasit si pjesë e marrëveshjes – për të cilën grupi militant ka thënë se është një vijë e kuqe. Haya tha se ishte “e drejta e tyre natyrore” për të mbajtur armë, shkruan euronews.al.Në një deklaratë, Hayya tha se Hamasi nuk ishte më i gatshëm të pranonte “marrëveshje të pjesshme si mbulesë për axhendën e tyre politike, e cila bazohet në vazhdimin e luftës së shfarosjes dhe urisë”.
