Në kuadër të marrëveshjes për pauzë humanitare, grupi i rezistencës palestineze Hamas ka dorëzuar 11 pengje izraelite në Rripin e Gazës së bllokuar tek zyrtarët e Komitetit Ndërkombëtar të Kryqit të Kuq, raporton Anadolu.
Ushtria izraelite njoftoi se 11 pengjet izraelite në Gaza u janë dorëzuar zyrtarëve të Kryqit të Kuq për t’u kthyer në Izrael.
Deri më tani, gjithsej 51 pengje izraelite janë liruar në kuadër të marrëveshjes së shkëmbimit të të burgosurve, e arritur midis Izraelit dhe Hamasit.
Më herët, Ministria e Punëve të Jashtme e Katarit njoftoi se 33 të burgosur palestinezë në burgjet izraelite do të lirohen në këmbim të 11 pengjeve izraelite.
Ministria po ashtu njoftoi se 30 të burgosurit palestinezë që do të lirohen janë fëmijë nën moshën 18-vjeç dhe tre të tjerët janë gra.
Një pauzë humanitare 4-ditore midis Hamasit dhe Izraelit hyri në fuqi të premten, më 24 nëntor, në orën 7 të mëngjesit me kohën lokale.
Sipas marrëveshjes, 150 palestinezë në burgjet izraelite do të lirohen në këmbim të 50 të burgosurve izraelitë të mbajtur nga Hamasi në Gaza.
Izraeli nisi sulme të pamëshirshme ajrore në Rripin e Gazës pas një sulmi ndërkufitar nga Hamasi më 7 tetor.
