Kryetari i Aleancës për Ardhmërinë e Kosovës, Ramush Haradinaj, ka bërë homazhe në nderim e kujtim të të rënëve në Celinë, Fortesë e Brestoc, bashkë me kryetarin e Rahovecit, Smajl Latifin, përcjell Kosova Post.
Ndërsa kujton të rënët Haradinaj shprehet se “Femijë, gra e pleq të pambrojtur u masakruan pa mëshirë para njëzetepesë vjetësh nga regjimi barbar i Millosheviqit”.
Për më tepër Haradinaj thotë ” është absurde që sot në liri po gjykohen çlirimtarët, e ende nuk ka drejtësi për shumë masakra”
Postimi i plotë i Haradinajt në Facebook:
Femijë, gra e pleq të pambrojtur u masakruan pa mëshirë para njëzetepesë vjetësh nga regjimi barbar i Millosheviqit.
Sot, në nderim të Dëshmorëve dhe Martirëve të lirisë, bashkë me kryetarin e Rahovecit, Smajl Latifi, bashkëluftëtarë e kolegë, u bashkuam me familjet që i kujtuan me krenari më të dashurit e tyre; 75 të rënët në Celinë, 68 të rënët në Fortesë dhe 54 të rënët në Brestoc.
Është absurde që sot në liri po gjykohen çlirimtarët ndërsa ende nuk është vendosur drejtësia mbi shumë masakra të kryera nga shteti fashist serb, në civilë të pambrojtur.
Sakrifica e tyre mbetet përgjithmonë në kujtesën tonë historike!
Lavdi!
