Zëvendëspresidentja e SHBA-së, Kamala Harris përsëriti thirrjet për një armëpushim në luftën e Gazës.
Ndërmjetësuesit, Shtetet e Bashkuara, Egjipti dhe Katari po bëjnë presion për një përparim midis Izraelit dhe Hamasit. Negociatat u shtynë të premten me një tjetër takim të nivelit të lartë të planifikuar në Kajro para fundit të javës.
Harris tha se bisedat ishin në vazhdim.
“Ne nuk po dorëzohemi dhe do të vazhdojmë të punojmë shumë për këtë. Ne duhet kemi një armëpushim dhe ne duhet t’i çlirojmë ata pengje”, theksoi ajo.
Sekretari amerikan i Shtetit, Antony Blinken do të takohet sot me presidentin izraelit Isaac Herzog dhe ministrin e Mbrojtjes Yoav Gallant në Tel, si dhe kryeministrin Benjamin Netanyahu në Jerusalem, pasi negociatat janë në një fazë kritike.
”Blinken planifikon të vazhdojë përpjekjet intensive diplomatike në Izrael”, theksoi nga Uashington zëdhënësi i Departamentit të Shtetit, Vedant Patel.
Sipas tre ndërmjetësuesve, ka një propozim që synon të plotësojë “boshllëqet e mbetura”.
Kjo është në përputhje me parimet e një plani paqeje të paraqitur nga presidenti amerikan, Joe Biden në fund të majit.
Plani fillimisht kërkon një armëpushim të plotë dhe të pakufizuar gjashtëjavor.
Gjatë kësaj periudhe, një grup pengjesh të mbajtur nga Hamasi do të lirohen.
Në këmbim, edhe palestinezët e burgosur në Izrael do të liroheshin.atsh.
