Ministrja në detyrë e Drejtësisë, Albulena Haxhiu ka reaguar pas ngritjes së aktakuzës ndaj ministres në detyrë Rozeta Hajdari, lidhur me rastin e rezervave shtetërore, përcjell KosovaPost.
Haxhiu përmes një postimi në Facebook, i ka dal në mbrojtje Hajdarit duke thënë se hetimet ndaj saj janë të ndikuara dhe sipas saj, kjo është vërtetuar me ngritjen e aktakuzës.
“Kaherë kemi theksuar se hetimet ndaj Ministres Hajdari janë të ndikuara, dhe ngritja e aktakuzës ndaj saj e vërteton këtë. Ministrja Hajdari as nuk është e korruptuar, as nuk ka keqpërdorur ndonjëherë detyrën e saj zyrtare. Për këtë rast jam e njoftuar në çdo detaj, pasi edhe Avokatura Shtetërore ka qenë e përfshirë me qëllim të mbrojtjes së interesit publik”, ka shkruar Haxhiu.
